Em Superbebbi sy Monschterbangg
Oder so irgendwie. Richtig süess, dä Monschterbangg mit stolze 23 Zyyle. Pro Basel, Anti Zürcher, Schwobe und Öschtrycher. Notürlich will ich euch dä nyt vorenthalte, är isch s’ Zügnis vommene wirklich guete Bangg-Joor. Ich hannen aifach achli in modärners Basler-Dütsch übersetzt, damit en au nyt-Basler ohni Problem verstoh könne 
Ich möcht euch do, nur kurz verzelle,
worum dr Herrgott Basler het welle:Kuum het är afo Zürcher schaffe
no het är gmerkt, s’git halbi Affe
Wo dr Petrus gseht, was dr Herrgott macht,
hett au dä lut uuse glacht.
Dr Herr het die Schöpfig unterbroche
Und druffabe göttlich gsproche:
«Die Schöpfig ghört nyt zu minne Tadelloose
ich glaub die isch mr total in d’ Hoose!
Dorum, Zürcher, syget mir nit muff,
das bringt jo nüt, ich hör grad uff.
Denn es isch eso, das nützt nüt meh
wenn ich euch no wurd e Hirni geh!
Doch dass ihr gsehnd, ich due euch anerkenne,
dörfet ihr 1 mool im Joor um e Böög ummerenne
Und als Gegepool, so wurd ich dängge,
die ych dr Mentscheit d’ Basler schängge!»
Kuum sin d’ Basler uff dere Wält umme gloffe,
hett dr Herrgott gseit: «Ich ha my sälber übertroffe!»
No meint dr Petrus: «Jetzt hän mir e Problem,
die Basler sind gscheit und eifach z’ scheen!
Dorum, Herrgott, du guete Maa,
gege die kömme d’ Zürcher eifach nyt ah!»
Dr Herrgott seit: «Jä, do hesch rächt.
Für das sinn d’ Zürcher eifach z’ schlächt.
Ich wott my jo wirklich nyt sälber loobe,
ich mach zur unterstützig fo de Zürcher halt no d’ Schwoobe!»Ich glaub jetzt hetts e jede verstande:
Ooni Schwoobe kömme uns Zürcher abhande!
Numme ei Erklärig, die ha ich nonit;
Worums nääbe de Schwoobe und Zürcher
no Öschtrycher git?