Jetzt sinns mool d’ Basler…
… wo völlige Mischt baut hän.
Am Samschtig in Basel isch e unbewilligti Demonstration akündigt worde, gege s’ WEF. Guet, dass d’ Schugger umme sy wärde, isch vornherein klar gsy. Kei Normalbürger het gwüsst, wo die Demo sy wird, und eigentlich au nyt, dass es eini git. So isch me also ohni bösi Gedanke durch d’ Innerstadt gloffe.
Nojo. Vieli wäre besser dehei blyybe. D’ Basler Schuggerei het die “Demo” (Schynbar het sy nyt mool wirklich gäh im eigentliche sinn, maximal 10 Chaote) denne uffglöst. Aigentlich nüt schlimms - hätte sys mit em verhafte nyt e byyrebitzeli Übertryybe:
Die - sorry - Idiote hän s’ tatsächlich gschafft, verdammt viel unschuldigi z’ verhafte und mehreri Stunde uffem Wooghoof feschthalte. Me het numme müesse per Zuefall vorem Theater duure laufe!
Schynbar hän sy sogar irgendwelchi ussländischi Architeckte ussem Dreyer-Dram usse grysse und verhaftet. Sowie e 50-Jöörigi Frau, wo eigentlich numme hei het welle mit em Dram…
Nei, so goots wirklich nyt. Es isch höchscht bedängglich, dass d’ Schugerei so duure dreit und jede verhaftet, wo au nur achli noch Chaot ussgseht. Zum Glück binni nyt no in d’ Stadt, wie ich aigentlich ha welle… Sunscht hätti dr Oobe au im Woorhoof innere Massezälle verbrocht. Mool luege, oby minni Simulationserstickige no chli ka trainiere, zum in so Fäll wenigschtens Wasser z’ beko. Nytmool das hets gäh!
Nei, liebi Bolizei vo Basel, das git e 1 - Ungniegend. Nochsytze für alli aimoo, bitte!
Bricht derzue: